Despues di lunanan di preparacion intensivo Kimberly Julsing ta cla pa enfrenta e reto na Miss Universe 2018 na Bangkok Thailand.
Miss Universe ta ser catalogisa como e Weganan Olimpico den e aspecto di beyesa y na unda meskos cu e atletanan ta prepara yen di esfuerso y perserverancia pa lunanan largo riba e aspectonan mental y fisico pa destaca riba plataforma internacional. Kimberly durante su dianan na Bangkok ta cambia di nomber di Kimberly pa Aruba y lo hiba diferente creacion di Endy Croes, Gigliola Gomez y varios cas di moda cu a msutra nan sosten na Aruba su reina. Pa loke ta trata e trahe nacional cu nos Miss Aruba lo luci, Kimberly a hiba un creacion di Carlos Tromp dedica na e Carnavalistanan cu durante henter aña ta crea costumenan fabuloso y muy especial pa celebra Carnaval 65. Un danki special na Aruba Tourism Authority y na tur otro sponsor cu ta para firme tras di nos beyesanan Arubiano.
Unda un Arubiano ta destaca y mas aun pone Aruba su nomber riba media social rond mundo y den prensa internacional nos mester sigur apoye y sostene pa su gran trabow.
Final di Miss Universe 2018 lo tuma.lugar dia 16 December na Bangkok Thailand.