78
Piedra Plat – Diamars mainta algo prome cu 12’or di merdia informacion a drenta di un accidente cu hende herida, esaki a sosode altura di Mega Stone Food Mart na Piedra Plat.
Mesora polis y ambulance a sali pa e sitio. Na yegada nan ta topa cu auto Kia y un Suv Hyundai.
Den e Kia tawata tin un dama na stuur, y e tawata herida.
Pero, e porta di chauffeur a dobla durante e impacto.
Mirando cu e mester asistencia medico a opta pa pidi ayudo di Brandweer, pa nan habri e porta.
Na e sitio nos a compronde cu e suv Hyundai a bay lora na su man robes y no a pone atencion ariba e Kia. E suv ta dal contra e porta di e Kia, lagando e dama chauffeur levemente herida.
Paramediconan a bay cu e victima hospital pa un check up.