Citgo Sasaki – Diahuebs den oranan di marduga un y su yiu ta yega Citgo Sasaki y ta bati alarma. E dama aki lo a caba di bandona e parkeer plaats di Hospital y a ripara cu un Nissan March color blanco ta siguie.
Segun e dama a splica ariba su Facebook page, di hospital ela mira e dos hombernan sinta den e Nissan. Ela pensa nan lo por a trece un persona malo y ta den auto sinta ta warda.
E Nissan a bandona tereno di hospital prome cu e dama a sali cu su auto.
Un poco mas pariba e dama a ripara cu e auto lo ta siguiendo e.
Altura di Citgo Sasaki ela bira bay na e gas station y a baha hunto cu su yiu bay paden.
Aki nan e Nissan March tambe a bira su tras y a bay na parti di yena tire. Loke esnan na e gas statio por a mira tawata dos homber bisti cu Hoodies(Capushon). Ora cu nan a sinti cu nan lo a wordo descubri, mesora nan a bandona e sitio.
Polis tambe tawata na caminda y nan a haya e number di auto for di e dama.
Aparentemente e number lo ta registra na un adres den cercania di e gas station.
Polisnan a bay na e adres pero no ta topa cu e auto eynan.
Kiko tawata intencion di e dos hombernan aki no ta mucho cla, algo bon sigur cu no.