ORANJESTAD, Aruba – 19 di november 2018: Aña pasa e tabata un exito grandi pa cual motibo a dicidi di ripiti e mesun campaña e aña aki atrobe den nan dos tiendanan local, situa den Caya Betico Croes y den Royal Plaza Mall. Riba diahuebs dia 22 di november y diabierna dia 23 di november lo tene nan “Black Out Sale” cu descuentonan cu ta varia te cu 50% riba un variedad di articulonan y productonan.
Relaciona cu e celebracion di “Thanksgiving”, hopi tienda lo tin nan “Black Friday” riba diabierna. Sinembargo, Dufry Aruba lo ofrece mesun descuento pa dos dia largo, pues tanto diahuebs como tambe diabierna. Pa esey e tiendanan lo habri cu orario adapta, pues for di 8:00am caba nan ta habri y lo cera te cu 8:00pm. Ta trata aki di 12 ora sigui, nonstop, di benta na e prijsnan mas special di henter aña.
Lizah Jansen, Country Commercial Manager di Dufry Aruba a conta cu nan a prepara un variedad di producto cu lo participa den e campaña special aki, manera holoshi, perfume, make up, acesorio, tas y bijoux den ambos tienda, pues tanto den Caya Grandi como Royal Plaza Mall. “Ta corda nos clientenan si pa yega trempan pa sigura cu por probecha di mas tanto producto posibel na prijsnan hopi reduci”.
Dufry Aruba ta existi pa por lo menos 20 aña caba y ta conta cu 10 tienda den Aeropuerto Internacional Reina Beatrix, 1 tienda den caya Betico Croes y 1 tienda den Royal Plaza. Hunto nan ta conta cu 80 empleado servicial, cu bon experencia y conocemento di e productonan varia cu nan ta bende, dependiendo di cada tienda.
FIN