66
Guillermo Rodriquez referee Olimpico di Beijing y Rio a scoge Aruba su Best of the Best prome y a biaha despues pa Fujairah United Arab Emirates pa e Grand Prix Final. Guillermo Rodriquez a caba di tuma e ultimo curso avansa di Taekwondo na Peru y a bin Aruba solamente pa Best of the Best pa para referee y despues a biaha e siguiente dia pa Fujairah United Arab Emirates.
Guillermo Rodriquez a tene un technical meeting cu e refereenan prome y despues cu tur e coachnan pa asina informanan cu el lo haci uso di e ultimo reglanan di mundo den Best of the Best. Guillermo Rodriquez a splica tambe cu si nos kier sigui progresa, nos mester tene nos mes na e reglanan di e campeonato.
Aruba tabata tin 3 referee Internacional cu a forma parti di Best of the Best; Master Moices Dumfries, Master Augy Tromp y Master Eric Barry. E tarea di referee no ta facil, bo mester ta un persona central y cu por cu hopi presion. Best of the Best a conta cu 70 pelea unda cu tur cos a cana bon y cu a conta cu solamente 1 K.O. y e referee ta central den cada pelea y ta para un pelea ora cu tin mester.
Brazil Taekwondo Stichting ta manda palabra gratitud na tur nos refereenan Internacional cu a fungi den Best of the Best Taekwondo Challenge. Pa corona e evento e premio di Best Referee a wordo entrega na Guillermo Rodriquez, door di Dr. Guaicaipuro Jimenez Presidente di Aruba Taekwondo Bond.
Diadomingo awo pa 7’or di anochi ariba Canal 23 por wak e miho peleanan di Best of the Best Taekwondo Challenge.