Home » Carta di autorisacion a cambia pa carta di oponencia Cuido Salud Hubenil ta anuncia cambio den nan forma di traha

Carta di autorisacion a cambia pa carta di oponencia Cuido Salud Hubenil ta anuncia cambio den nan forma di traha

by Admin
0 comment 63 views

 

 

ORANJESTAD, Aruba –21 november 2018: Ayera riba dia Universal di Derecho di Mucha Departamento di Salud Publico su seccion di Cuido Salud Hubenil ta anuncia un cambio den nan manera di traha.

 

Seccion Cuido Salud Hubenil ta e seccion encarga pa controla, proteha y promove desaroyo y salud fisico, mental y social di nos muchanan di 0 te cu 18 aña na Aruba. Esaki nan ta haci atravez di consulta na Wit Gele Kruis y saminacion medico na scol preparatorio y basico. E saminacion medico ta encera test motorico,  test di oido y di bista. Tambe ta controla e cresemento y desaroyo di e mucha, ta controla nan djentenan y cabey pa pieu.

 

Pa hopi aña e seccion aki a traha abase di un carta caminda mayor of voogd di e mucha ta duna autorisacion pa e mucha wordo samina. Esaki no tawata bay facil tur ora, pa motibo cu mayornan ta lubida, perde of yena e carta incorecto.  

 

Na aña 2001 Aruba a firma e tratado International di UNICEF y Nacionan Uni cu ta papia riba diferente derecho di mucha y den articulo 24 ta papia riba e derecho cu cada mucha tin riba cuido di salud. P’esey pa duna mas balor na e articulo aki Seccion Cuido Salud Hubenil a cambia nan cartanan di autorisacion pa carta di oponencia caminda ta informa mayor of voogd cu e mucha lo haya su saminacion medico pasobra esaki ta su derecho y si mayor of voogd no ta desea esaki por opone of nenga e saminacion mandando e carta ricibi bek scol cu un firma.

 

Na e momento aki e seccion di Departamento di Salud ta den preparacion pa cu introduccion di e cambio aki den un sistema piloto, cu lo bay wordo introduci na luna di December cuminsando den e districto di San-Nicolas y Brazil.

 

Pa mas informacion por tuma contacto cu Seccion Cuido Salud Hubenil di Departamento di Salud Publico na 5224200 of 5922009.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio