Home » Telenovelas y Movie Soundtracks a trece bunita recuerdo Songfestival di Hospital un bes mas yena di talento

Telenovelas y Movie Soundtracks a trece bunita recuerdo Songfestival di Hospital un bes mas yena di talento

by Admin
0 comment 54 views

 

 

ORANJESTAD, Aruba – 20 di November 2018: Dr. Horacio E. Oduber Hospital a organisa nan songfestival, unda cu 14 cantante di hospital, EPI y AZV a participa. E participantenan por a scoge canticanan sea na Spaño of Ingles cu tabata di telenovela of pelicula. Esey a bira un exito y e anochi aki a hiba tur hende den recuerdo di varios pelicula manera The Beaches, pero tambe novelanan bieu manera Topasio. Na final di e anochi den Ballroom di Marriott Stellaris & Casino tur hende a disfruta di musica bailabel den man di Perfect Sound.

 

E ambiente tabata uno total, asina Rachel Kraaijvanger, presidente di Comision SongFestival, a duna di conoce. Den pasado hospital tabata organisa songfestival y 6 aña pasa ora cu Rachel Kraaijvanger a regresa el a puntra pa cuminsa bek cu e festival aki. A cuminsa cu esaki y cada pasa 1 aña ta tene e evento aki, di cual esaki tabata e di 3 songfestival cu e comision aki ta organisa.

 

E anochi tabata exitoso cu 14 participante. E participantenan a duna nan maximo esfuerso riba stage. E ambiente cu Perfect Sound a pone e anochi aki tabata tremendo. E aña aki hospital a invita varios sector di cuido y a haya 2 participante di AZV y 2 di EPI, banda di e participantenan di hospital.

 

A parti e participantenan den categorianan A y B, kendenan tur a deleita e publico presente cu nan canticanan. Tur presente tabata canta hunto cu e participantenan y tabata apoya tur participante. E cantante mas popular tabata di Colegio EPI Salubridad y Servicio, Sharlyn Tromp-Farro. E resultado di e anochi tabata den categoria B 3er luga Martha Murray di Dagverblijf, 2do luga Virginia Tromp Project begeleiding y ganado di categroia B a keda den persona di Sharlyn Tromp-Farro di Colegio EPI y Salubridad y Servicio. Resultado di categoria A tabata 3er luga Zulaika Geerman di Functie Afdeling, 2do luga Sabine Nolten di dept. B3 y ganado absoluto Anthony Sterring di AZV.

 

E festival aki no por tabata un exito sin e apoyo total di directiva y management di hospital  cu a pone su confiansa den e comision. E comision a traha duro pa por a logra e songfestival. Comision completo kier a gradici tur sponsor  cu a yuda p’e anochi aki tabata uno bunita yena di premio cu ta Caribbean Palm Village, Coffee Table, Old Fishermen, grupo di Carnaval Champagne, AVC, Manrique Capriles, La Cabana, Kok Optica, Carrito’s Bakery, Aruba Aloe, The Mill Resort y Setar.

Ta gradici e comision cu a traha duro, cu ta consisti di Tayrin Becker, Marylain Ras, Jessy Leon, Charlaine Huntington, Brenda Croes y Shahaira Geerman, pasobra sin nan e anochi aki no lo tabata posibel..

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio