82
Aruba Taekwondo Bond “ARTBO” ta felicita Brazil Taekwondo Stichting cu e logro grandi pa Pais Aruba pa a logra trece atletanan di taya Aruba for di 8 diferente Pais. Presidente di ARTBO Dr. Guaicaipuro Jimenez y su directiva tabata presente den Best of the Best y a disfruta di tur e peleanan for di mainta te cu anochi unda cu varios atleta di Aruba a bringa. Por a mira nos atletanan elite den accion, manera Chiara Petrocchi, Monica Pimentel, Stuart Smit, Jourdé y Záhyon Klabér bringando contra atletanan top na nan
Pais.
Dr. Guiacaipuro Jimenez tabata masha contento di por a mira Aruba su atletanan triunfa den Best of the Best den cada categoria. Un evento cu a cuminsa mainta y a termina despues di 9’or di anochi cu varios comentario di e publico kendenan a sali for di nan cas masalmente pa wak nos atletanan bringa contra di otro Paisnan.