Sinterklaas y su Pietnan tey bek na Aruba
Oranjestad: Diadomingo pa mas o menos 10’or di mainta, e boto di Sinterklaas a mara den nos waf na playa.
Sinterklaas y su grupo grandi di Zwarte Piet a baha for di e boto y a wordo ricibi pa nos Minister di Cultura Sra. Xiomara Maduro, despues cu Minister a yama Sinterklaas bon bini, Sinterklaas hunto cu su Zwarte Pietnan a pasa saluda tur mucha cu a bin ricibi’e y a parti mangel pa e muchanan.
Sinterklaas y su Pietnan a sali den un parada masha bunita direccion Plaza Betico Croes, caminda tabata tin un fiesta cu hopi coi hunga pa nos muchanan. Brassband y tambe trailer cu musica a compania Sinterklaas den e parada, pa asina trece e pueblo di Aruba den e ambiente di e temporada mas dushi pa nos muchanan, cu ta e temporada di Sinterklaas y Zwarte Piet. Hopi mucha a bay ricibi Sinterklaas cu nan flanel di Sinterklaas, petchi di Zwarte Piet bisti, tur tabata contento di mira Sinterklaas y su pietnan na Aruba.
E temporada di Sinterklaas y Zwarte Piet a cuminsa bek pa nos muchanan, ponemento di sapata cu yerba, fiesta di Sinterklaas etc. etc.
Nos muchanan tur ta ansioso pa mira kiko E homber Santo lo trece pa nan e aña aki, regalonan bunita cu sigur lo haci e muchanan di Aruba hopi contento. Desde awe Diadomingo 18 di November pa 5 di December Sinterklaas lo pasa na tur cas pa entrega regalo na nos muchanan y caminda e no por pas, sigur elo lague atras den nan sapato.
Tur mucha cuminsa pone sapato cu yerba y awa pa e cabay di SInterklaas, pa Sinterklaas no keda sin pasa cerca boso.
Aki bou por mira imagen di e yegada di Sinterklaas y su pietnan durante e parada.