ORANJESTAD – Diabierna mainta den Conseho di Minister, Minister di Finansa, Asuntonan Economico y Cultura mr. Xiomara Ruiz-Maduro y Minister di Husticia mr. Andin Bikker a firma e Landsbesluit cu ta atende cu e posicion huridico y salarial di Cuerpo di Aduana. Desde cu e gobierno nobo a asumi e responsabilidad Minister Ruiz-Maduro encarga cu Aduana a atende cu e ehecucion di e Protocol firma na juli 2017 pa cual e mandatario a pone fondo disponibel den Presupuesto 2018 pa su ehecucion. E parti di legislacion ta tuma su tempo, pero awor cu Conseho di Minister a aproba e concepto, esaki lo bay Gobernador y despues lo pasa den man di Departamento di Recurso Humano pa asina e decretonan individual di cada aduanero keda concretisa.
Minister Ruiz-Maduro ta spera cu e cambio salarial lo yuda pa motiva e cuerpo di aduana pa traha den bon esfera pa asina sigui ofrece un bon servicio na nos comunidad.
FINAL
16112018
