156
Diamars atardi Sohwon Wee Kim a yega Aruba for di Washington DC specialmente pa asisti na Best of the Best Taekwondo Challenge. Carlos Hernandez a ricibi Sohwon Wee Kim na aeropuerto. Sohwon Wee Kim ta bay duna training na Eagle Beach y na Tarcisius Kleuterschool na tur e atletanan for di exterior y e atletanan di Aruba.
Aña pasa Sohwon Wee Kim tabata na Aruba pa Best of the Best unda cu el a duna training hunto cu nos atleta Olimpico Monica Pimentel y tur hende a keda masha contento cu e training. E aña aki Sohwon Wee Kim a haci un yamada si e por a bin Aruba un biaha mas pa Best of the Best y tur hende a bay di acuerdo cu esaki. Sohwon Wee Kim ta un atleta cu ta compiti ainda y ta yuda su tata cu e programa pa mucha na Washington DC y a scoge Aruba pa bin pa un paar di dia.
Rafael Wever di Tropicana Hotel tambe a keda masha contento cu Sohwon Wee Kim, pasobra e ta hospeda na Tropicana Hotel.
