191
Meiveld – Diaranson anochi den careda di 7’or, varios patruya a sali cu urgencia pa Meiveld, caminda auto a dal un mucha.
Na yegada polisnan a constata cu e chauffeur aparentemente lo no a mira e mucha banda di caminda, y lo a mishi e mucha cu e auto.
Debi na esaki, e mucha a haya rasca na man y tambe pia. Ambulance tambe a presenta pa asina por controla e mucha.
Tata di e mucha tambe a yega na e sitio y por a mira cu personal di ambulance a opta pa bay cu mucha hospital, pa un check up.
Pues danki Dios cu no tawata algo mas serio, un susto sigur pa e chauffeur tambe.
