Home » Minister Dangui Oduber: Deporte lo no pena pa largo

Minister Dangui Oduber: Deporte lo no pena pa largo

by Admin
0 comment 63 views

 

E Minister di Deporte ta trahando riba un plan integral pa Deporte na unda cu lo enfoca riba diferente tereno den e sector di deporte. Den e cuadro aki lo bay enfoca riba entre otro profesionalisacion di nos sector di deporte, promocion di deporte riba tur nivel (escolar, recreativo y competitivo), mehoracion di accesibilidad di facilidadnan deportivo y conscientisacion riba e importancia di deporte pa nos salud.

Manera ta conoci caba e situacion cu Fundacion Lotto Pa Deporte ta sigi cu su contratiempo y ainda gobierno ta en espera di e bodem procedure. Mientras un grupito den FLPD ta goza, muchanan keto bay tin cu bende rifa den solo. Y pa contra aresta e contratiempo aki gobierno a dicidi cu lo bay bin cu un lotto nobo segun e mandatario.

Tur entrada cu wordo genera pa e fundacion di e Lotto nobo lo wordo usa pa mantencion di facilidadnan deportivo y tambe pa construi facilidadnan deportivo nobo. E fundacion acual FLPD ta keda existi na momento cu Gobierno gana e caso den corte. E meta di FLPD lo bira pa transpasa e fondonan cu ta wordo genera pa subsidie commisie pa asina tur e fedracionnan deportivo por ricibi nan fondonan necesario y evita cu tin muchanan di cu para den solo y bende rifa asina e mandatario a duna di conoce.

Veldnan di futbol y baseball riba henter nos isla cu no a haya e atencion ni mantencion necesario durante e ultimo 8 añanan aki, lo bay haya esaki. Diferente veldnan di futbol y baseball riba nos isla, lo bay haya yerbe artificial.

Na final e mandatario ta manda e mensahe bon cla pa e comunidad deportivo aki na Aruba cu gobierno ta hacienda todo lo possible pa rebiba henter e sector di deporte aki na Aruba en particular nos hubentud cu merece un bida y mente sano continuo.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio