Tur aña Fundacion Telefon pa Hubentud Aruba ta lansa ariba dia 20 di november un proyecto pa concientisa e pueblo di Aruba tocante un fenomeno relevante, un desaroyo no mucho positivo y/of pa ataca un desaroyo no mucho positivo. E aña aki no lo ta otro.
20 di november ta Dia Nacional y Internacional di Derecho di Mucha y ta dia cu Fundacion Telefon pa Hubentud Aruba ta haci aña. Esaki ta pa di 19 aña cu Fundacion Telefon pa Hubentud Aruba lo presenta un proyecto. Riba e dia en cuestion.
For di november 2017 te cu april 2018 mas di 200 mucha di scolnan basico a traha un pintura tocante un derecho cu pa nan ta importante. Despues di a ricibi les tocante di derecho di mucha, e muchanan a traha e pinturanan. E muchanan ta di e scolnan Filomena Basisschool, Cristo Rey Basisschool, Puis X Basisschool, Mon Plaisir Basisschoolschool y Prinses Amalia Basisschool. Asina aki e muchanan di e 5 scolnan basico aki ta laga Aruba wak cua derecho ta esnan mas importante pa nan. Na e manera aki e pueblo di Aruba completo lo participa na educacion tocante Derecho di Mucha.
Despues di a haya permit di e muchanan, Fundacion Telefon pa Hubentud Aruba a crea e exposicion: “Esaki ta mi Derecho”. Mas di 200 pintura lo ser presente durante e exposicion: “Esaki ta mi Derecho”. E pinturanan lo ta visibel ariba ‘banners’. Cada ‘banner’ ta conta 10 pintura.
Ariba dia 20 di november Fundacion Telefon pa Hubentud Aruba lo ser acompaña pa otro partnersnan di e sector social. E partnerna cu tambe lo tey presente pa duna e publico informacion di e derechonan ta: Centro di Famia y Crianza, Fundacion pa Nos Muchanan, FADA, Rotary Club of Aruba, Respetami, Famia Planea y Gucci Dancers.
E apertura di e exposicion aki lo ta ariba Linear Park dia 20 di november pa 3:00 pm. E exposicion lo keda ariba Linear Park for di 20 di november te cu 20 di december.
Pa por a organisa e exposicion: “Esaki ta mi Derecho”, Fundacion Telefon pa Hubentud Aruba a ricibi sosten financiero for di Super Food Plaza, Wema, Albo Aruba, Cede Aruba y Aruba Bank.
Fundacion Telefon pa Hubentud Aruba kier a invita tur mucha, hoben, mayor y Aruba henter pa tey presente ariba 20 di november pa 3:00 di atardi na Linear Park pa e apertura.
Danki !
Fundacion Telefon pa Hubentud.