Diasabra anochi den un Renaissance Convention Center completamente jen Fundacion Movemento ta Bida a tene su songfestival 60+ hunto cu e Nochi di Baliadornan.
Tur cantante cu a partisipa a duna un show perfecto di nan talento acompanja pa Papito y su Biba Lekker Band Plus. Henter e songfestival tabata bon hinka den otro door di e maestro Roy Sneek cu durante 5 luna a prepara tur e cantantenan.
Un momento sumamento bunita tabata ora cu Roy Sneek na final di e festival a canta e cancion di Sr. Michael Kuiperi “Ora bo’n tei”. Un composicion di Sr Michael Kuiperi cu debi na su salud no por a partisipa na e festival. Roy a jama Michael bin ariba stage y hunta nan a canta e precioso cantica aki.
Despues di e festival “ Back On Track” y BADU a sigi toka y a deleita e publico cu a keda jena e pista te final di e anochi.
FMTB kier a gradisi tur esnan cu a bin e anochi aki y tambe Guardian Group cu a sponser tur Plakaat pa e ganadornan y Manrique Capriles cu a regala cada partisipante un bunita recuerdo. Tambe FMTB kier a gradici e juradonan cu tabata consisti di artistanan 60+ : Elizabeth Pope, Faritah Luidens, Len Johnson, Efraim Antonio,Jack Tromp. President tabata Raquel Koolman y IT person tabata Shirley Pope.
E resultado ta lo siqiente:
E Cantante mas popular: Emma Croes
Best show: Ludwina Geerman
5 Lugar: Rita Thomas
4 Lugar: Ludwina Geerman
3 Lugar: Margarita Roza –Christiaans
2 Lugar: Marieta Jansen
1 Lugar: Emma Croes
Un pabien ta bai pa tur e ganadornan /partisipantenan y esnan cu no a hanja chance pa partisipa e anochi aki cuminsa prepara pa otro anja.
Fundacion Movemento ta Bida
Secretariaat: Frankrijkstraat #1, Oranjestad. Tel: 5868651 / 5942546