Home » Campeonato U-5 y U-7 a cuminsa cu formato nobo

Campeonato U-5 y U-7 a cuminsa cu formato nobo

by Admin
0 comment 50 views

 

 

ORANJESTAD, Aruba – 9 di November 2018: E campeonato U-5 y U-7 di AVB Lifida a inicia, unda cu tur fin di siman na diferente veld esaki lo tuma luga. Arubaanse Voetbal Bond (AVB) a traha pa lunanan largo un formato nobo p’e campeonato, unda cu a tene varios reunion cu e clubnan di Lifida. Cu e cambio aki niun mucha no por keda sin hunga, pasobra a aplica e regla aki cu tur mucha den un club mester hunga futbol.

 

Raymond Pimienta ta coach di RCA U-5 y ta haya cu e iniciativa aki ta uno bon. Awo por mira cu tin hopi veld den stadion y e wega ta 4 contra 4. Asina aki ta bay haya hopi mucha ta bin na e bala, manera antes tabata hunga sea 6 contra 6 of 7 contra 7. E team por tin 15 mucha y nan ta yega veld riba diasabra, y ta hunga 1 pa 5 minuut.

 

Awor cu e cambio aki, tur mucha ta bin y tin diferente veld chikito. E coach ta kere cu tur mucha cu presenta na veld riba diasabra, nan ta hunga por lo menos 40 minuut. Asina aki e muchanan por desaroya den futbol, pasobra e muchanan menos agil ta haya chens di yega na bala. Nan ta bay gusta e deporte mas, pasobra nan ta bay haya e bala hopi mas na luga di keda sinta na banda y mira e wega.

 

Esunnan cu ta mas miho tambe ta haya e chens di yega mas na bala, di cual nan tambe ta bay bira mas miho. Raymond Pimienta ta kere cu den futuro lo bay yega hopi mas hungado. E iniciativa aki di AVB ta uno super bon, pasobra aki no ta importa ken ta gana pero e ta bay mas pa siña mucha e deporte y pa nan gusta esaki.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio