Home Politics Minister Dangui Oduber: Lo bay haci cu un Investigacion nacional tocante uzo...

Minister Dangui Oduber: Lo bay haci cu un Investigacion nacional tocante uzo y consumo di droga

 

ORANJESTAD (AAN) — Minister di Salubridad Publico sr. Dangui Oduber, a informa durante conferencia di prensa cu gobierno ta bay haci un investigacion nacional riba uzo y consumo di droga den e comunidad di Aruba.

E investigacion aki no a wordo haci desde aña 1997. E mandatario a subraya cu pa hiba un maneho asina mester tin cifra y datonan. Den e ultimo investigacion cu a wordo haci a registra 11 mil persona cu ta uza droga na Aruba. Pero no ta conoci kico ta e situacion actual y pesey e investigacion aki ta hopi importante.E investigacion aki ta bay cuminza dentro di poco, y sigur ta bay tuma entre seis pa nuebe luna pa tin un bista total riba kico ta e situacion cu tin aworaki na Aruba.

Pa 8 aña Salubridad Publico no a haya su atencion necesario pero pueblo por ta sigur cu e gobierno actual a bin pa traha. Aruba por spera hopi cambionan positivo den e area di salubrida publico dentro di algun luna asina e Mandatario a trece dilanti.