Home Sports 12 medio di prensa a reserva nan badge pa Best of the...

12 medio di prensa a reserva nan badge pa Best of the Best Taekwondo Challenge best shot.

 

 
Best of the Best Taekwondo Challenge 2018 a bira e evento di Taekwondo mas grandi di Aruba. Tin 9 Pais confirma cu ta bay ta na Aruba y cu a haci e evento aki esun di mas grandi. 
Willy Willems a bin cu e idea di Best Shot pa prensa den añanan 90 y awo a bolbe lanta cabes y tin 12 medio di prensa cu a confirma nan participacion den Best Shot. Si bo ta pensa cu esaki ta algo cu bo lo kier forma parti di dje, no laga e oportunidad aki pasabo voorbij. Best of the Best ta dia 17 di November 2018 den Centro di Bario Brazil y ta cuminsa pa 10’or di mainta cu Infantil, Cadet, Junior y algun Adulto. 
 
Pa 7’or di anochi ta bay tin nos streyanan di Aruba: Chiara Petrocchi, Stuart Smit, Jourdé Klabér, Monica Pimentel, Záhyon Klabér, Jourdé Klabér y Jaimar Chirinos. Nan tin e reto pa bringa contra di Surinam, Corsou, Ecuador, Venezuela, Chile y Canada. No perde e oportunidad unico aki y bin demonstra cu bo tambe por saca e Best Shot di Taekwondo y di nos atletanan estreya. 
 
Stuart Smit a haci un come back y Yigal van de Riet for di Surinam y Theodore Heyliger for di Corsou a manda un mensahe cla y raspa pa Stuart Smit.