Home » Inscripcion pa e estudio Bachelor Hulandes di IPA ta habri

Inscripcion pa e estudio Bachelor Hulandes di IPA ta habri

by Admin
0 comment 50 views


Instituto Pedagogico Arubano (IPA) kier informa tur persona cu ta interesa pa haci e estudio di Bachelor Hulandes durante aña academico 2019-2020 cu inscripcion ta habri.

E estudio di Bachelor Hulandes ta forma maestro cu ta cualifica pa duna les di Hulandes na alumno den enseñansa secundario (EPB, EPI y AVO).  E estudio aki tin un duracion di 4 aña.

Pa por inscribi pa e estudio aki mester trece e papel di registro civil (papel di AWG 5), y copia di diploma di sea HAVO, VWO of MBO nivel 4. Den caso cu bo ta den examenklas di un di  e nivelnan di enseñansa aki, bo por trece copia di bo diploma asina cu bo gradua.

Si bo no tin diploma di HAVO, VWO of MBO nivel 4 y no ta den examenklas di esakinan, pero desde 1 di september 2019 tin minimo 21 aña, bo ta bin na remarke pa haci e asina yama 21+ Toets. E 21+ Toets ta midi si un persona tin e nivel di HAVO.

E 21+ Toets lo tuma luga diasabra dia 9 di februari 2019. Si bo pasa e test aki cu exito, bo ta bin na remarke pa participa na un trayecto di preparacion pa e test di admision. E test di admision lo tuma luga entre maart y mei 2019. 

Pa mas informacion tocante e estudio di Bachelor Hulandes bishita IPA su Dia Publico diasabra dia 17 di november di 10or di mainta pa 2or di atardi na IPA mes.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio