ORANJESTAD – Famia, amigonan y pueblo henter ta keda cordialmente invita pa nos ban celebra cu nos deportista y orguyo nacional Xander Bogaerts, kende recientemente a gana hunto cu su ekipo Boston Red Sox su di dos World Series Championship den 5 aña.
Diasabra awo na Carnival Village, cuminsando di 6’or di atardi te cu 10’or di anochi, Aruba henter lo por gosa di un dushi ambiente musical y tambe di un bar y cushina cu lo ta bon surti. Lo tin desertacion door di entre otro gobierno y tambe lo duna Xander un reconocemento pa su logro. E animacion musical lo ta den man di Claudius Philips & Oreo, Massive Brassband y Le Groove.
Bini uno, bini tur pa asina hunto nos demostra Xander con orguyoso nos ta di dje como deportista hoben, dunando un bon ehempel na otro hobennan y hibando Aruba su nomber den grandi internacionalmente!
