Home » Enfermero Aleman ta admiti di a asesina mas cu 100 pashent

Enfermero Aleman ta admiti di a asesina mas cu 100 pashent

by Admin
0 comment 88 views

Oldemburgo, Alemania – Asesino, Niels Hoegel, cual a cumpli 15 aña caba den prison, a admiti den corte Aleman cu e a asesina 100 pashent. Esakinan ta pashent cu e a wordo encarga pa cuida. Riba e prome dia di e caso, Hoegel di 41 aña, a wordo puntra pa huez, Sebastian Buehrmann, si a cargonan aki ta berdad. E asesino a contesta cu si.

Hoegel cu ya tin casi un decada caba den prison pa motibo di ta intencionalmente administra pashent cu overdosis di medicina pa asina cu nan curason para, e trata di reanimanan den e delaster minuut. E enfermero aki a comete e actonan aki pa algun añas na varios hospital Aleman.

Na aña 2005, Hoegel a wordo gara ta inyecta un pashent cu un medicamento  cual no ta receta pa nan. Pa e caso aki e a haya 7 aña di prison pa intento di morto.  E segundo caso a sigui na aña 2014- 2015, esaki a inicia bou presion di varios famia cu a sospecha cu nan ser keri a cay victima na man di Hoegel.

E asesino a haya pa esaki un otro 15 aña mas pa a admiti di a causa morto di 5 persona. Durante un combersacion cu su psikiatra, Hoegel a confesa cu por lo menos 30 persona mas lo e a mata. Esaki a alerta autoridadnan y asina nan a sigui investiga otro mortonan sospechoso pa asina constata ta cuanto morto enberdad e a comete. Na final di e conteo nan ta kere cu esaki por ta riba 200 pashent. Como cu algun di e curpanan a wordo crema despues di e fayecemento, lo nunca por investiga sigur cuanto persona exacto.

E metodo cu Hoegel a uza cu su pashentnan tawata lo siguiente, e a inyectanan y causa un overdosis unda esaki ta resulta den un paro cardiaco. Despues e ta intenta di reanima e persona. Ta specula cu Hoegel a haci esaki pa asina ‘blof’ cu su habilidadnan medico di salba bida di hende (pues yega na reanima persona bek) y tambe ta pensa cu e a haci esaki paso e tawata kier poco “accion” na pia di trabou.

E edadnan di su victimanan tawata varia y no ta mustra ningun preferencia algun. Edadnan di e fayecidonan tawata entre 34 y 96 aña. E caso aki ta un di esunan mas grandi di asesinato na Alemania (pa locual ta e periodo despues di guerra mundial).

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio