ORANJESTAD – Dia 02 di september ultimo Comision Queen Event a tene su sorteo “Gana bo auto cu 1 FLORIN”. E sorteo a wordo saca enbibo atravez di Diario TV Canal 48 den presencia di notario sra. H. Rodriguez – Taekema. E numbernan ganador a wordo publica y anuncia na varios ocasion den medionan local, Manera a wordo anuncia dia di e sorteo y despues den medionan di comunicacion cu e ganador di e Suzuki Alto GLX 2018 tin 30 dia pa reclama su premio. Mirando cu e ganador no a presenta y 30 dia pa reclama su premio a vence 2 di october ultimo, Comision Queen Event a warda algun dia adicional pa por a duna e ganador e oportunidad pa reclama su Auto.
Mirando cu esaki no a sosode Comision Queen Event a bin cu e tremendo idea pa regala e auto Suzuki Alto GLX 2018 den e Super Sunday Bingo como e doorprize mayor. Super Sunday Bingo lo tuma lugar diadomingo 09 di december 2018 na Club Caiquetio pa 7’or y mey di anochi caminda tin premionan atractivo di 5 mil florin cash.
Ticketnan pa Bingo ta obtenibel cerca tur miembro di Comision Queen of na Centro di Bario Tanki Lender tur diaranson y diabierna for di 2’or te cu 6’or di atardi si ta desea pa deliver bo ticket di bingo por yama na 593-4914. Pa mas informacion por bishita nos Facebook page Super Sunday Bingo.
Durante e bingo un feliz ganador lo gana un Suzuki Alto GLX 2018.
For di awor caba Comision Queen kier gradici comunidad y comercio pa nan sosten.
