Home Sports Prensa a bishita ARUBA su teamnan di TK5 Corsou.

Prensa a bishita ARUBA su teamnan di TK5 Corsou.

Diasabra ultimo prensa a bishita e teamnan di Taekwondo cu ta preparando pa e di 7 TK5 cu ta tuma luga diasabra awo na Universidad di Corsou cu participacion di Surinam, Frans Guyana, Venezuela, Aruba y Corsou.
Alberto Klabér di Brazil Taekwondo Stichting a logra forma dos team. Un team di Cadet di 4 atleta y un team di Junior di 3 atleta y Rasheed Lowe lo bay ta e reserva pa e team di TK3 di Junior. Aruba lo subi cu 10 punto di atraso door cu ta falta un atleta pa e team di Cadet. Master Eric Barry lo fungi como Referee Internacional, mientras cu prensa lo haci un cobertura completo di e evento na Corsou.
E evento ta cuminsa pa 5’or di atardi y lo caba pa 8’or di anochi.