Home » Parlamentario Arthur Dowers: Minister precoupa con BBO ta riba recibo pero nada pa cartera di pueblo

Parlamentario Arthur Dowers: Minister precoupa con BBO ta riba recibo pero nada pa cartera di pueblo

by Admin
0 comment 78 views

 

 

Definitivamente pueblo tin un gobierno cu no ta sali na interes di pueblo pero ta mas dirigi pa ranca placa for di pueblo sin e menor remordimento posibel.

Parlamentario Arthur Dowers di fraccion di AVP, a reacciona riba e forma con Minister di Finansa ta dicidi di convoca un conferencia di prensa, den cual  ta splica pueblo cu gobierno ta bay haci un cambio con BBO ta Sali riba recibo ya cu comerciantenan no ta no ta haci esaki corectamente.

“Minister Ruiz Maduro su preocupacion a resalta den su declaracion duna, mustrando cu gobierno ta bay haci esaki ya cu ora su gobierno a introduci BAZV, nan a ripara cu tabatin un variacion den e 6% cu mester wordo cobra.

Den cara serio minister aki a mustra cu su gobierno ta bay pone ordo riba e asunto aki, pasobra na Aruba no tin ley riba esaki y aki claramente minister Ruiz Maduro ta cu su gobierno no tin compasion cu pueblo.

Nan no tin preocupa nan mes con nan a machica cartera di pueblo, no ta sinti e peso grandi cu pueblo ta sinti ora cu cumpra cosnan di cas of cualkier otro cos pero si ta preocupa kico nan gobierno tin cu haya na placa extra dor di e medida di aumento di BBO y BAZV.

Ta cerca di 130 miyon gabinete Wever Croes ta rancha for di cartera di pueblo y sin duna pueblo nada bek al cambio pero por sinti cu esaki no ta pasa den cabes di e minister aki y su gobierno.

Gabinete Wever Croes a bin pa ranca placa di pueblo, pa castiga pueblo pa pone nan na mando, y awor ta preocupa cu e letternan di BBO no ta Sali bon riba recibonan cu pueblo ta ricibi y pa evita cu su gobierno no ta haya loke e tin cu haya, ta dicidi di bay introduci un ley pa legalisa y duna contenido mas concreto na loke su gobierno ta atraca di pueblo.

Ya caba algun tempo atras tabata prome minister Evelyne Wevger Croes a papia riba e punto aki y awor ta e minister di finansa mes ta bin dilanti y  a mustra kico su gobierno ta bay haci pero ningun caminda por tin un mensahe na pueblo, cu e sufrimento di pueblo ta bay wordo alivia.

Pueblo ta sperando gabinete Wever Croes bin dilanti y cumpli cu su promesanan haci durante di campaña electoral y avisa cuanto gasolin ta bay baha, ya cu pueblo a wordo priminti cu lo busca gasolin barata pero te dia di awe pueblo ta sperando.

Ya caba por mira cu diferente negoshi a aumenta nan prijs di entrega di comestibel na pueblo y esaki a aumenta barbaramente pa e aumento di BBO y BAZV cu gabinete Wever Croes a impone riba pueblo.

Minister Ruiz Maduro no a tin mensahe pa pueblo cu manera priminti durante di campaña electoral, lo  bay over na aumenta salario minimo pero na luga di esaki su gobierno a hisa pone medida riba cartera di pueblo y loke tabata salario minimo, awor a para bira salario micro.

Tanto minister Glenbert Croes y minister Andin Bikker den pasado na varios ocasion den reunionnan di parlamento a papia di unk ‘bestaandminium’ cu no ta husto pa pueblo y cu famianan rond Aruba ta confronta problema dor di esaki pero apesar cu minister Croes a pidi y haya for di parlamento miyones pa atende cu e crisis social, e placa aki ainda ta para keto sin cu el a duna pueblo algo di dje y awor ta preparando pa pone esaki den un fondo.

Ta importante pa minister Ruiz Maduro atende con BBO ta Sali riba recibo di negoshinan pero algun ora despues di declara esaki, su gobierno ta manda un grupo di trahado di DIMAS cas sin sinti absolutamente nada di convicencia cu tata- y mamanan di famia cu ta bay haya nan den problema serio.

Pueblo di un forma of otro, ni con BBO ta bin riba recibo of con gobierno kier interpreta esaki, lo haya problema tur luna cu nan cashflow, ya cu el a bira hopi menos, y placa a bira menos pa tur famia,” Parlamentario Arthur Dowers a declara.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio