Kamerlingh Onnesstraat – Dialuna anochi un biaha mas polisnan a bay den alerta, pa un otro caso di atraco arma.
Mesora a mobilisa patruyanan cu tawata disponibel e momento eynan, pero sin ningun resultado. Ariba un imagen por mira K9 Unit hunto cu patruyanan, tirando bista den e rooi panort di Santana di Playa.
Di parti Vocero suplente Sra.Rasmijn nos a ricibi e siguiente informacion:
“Dialuna anochi pa 22:13 central di polis ta wordo notifica cu un atraco a caba di tuma lugar na SAYO supermarkt na kamerlingh onnestraat. Na jegada di patruya di playa nan por a compronde cu un hende homber color di cuero blanco , cu un petchi blanco cu cora, t-shirt cora manga largo y un jeans blauw scur, cara tapa y cu un arma di candela a caba di atraca e supermarket. E atracador a papia bon papiamento y a bay cu afl 1000,-. Despues e atracador a sali na pia den direcion pabao den e caya di nobelstraat. Diferente unidad policial a cuminsa busca den vecindario, pero no a logra topa cu e atracador.
Atraco Team a presenta na e sitio di e sucedido y a tuma e investigacion. Tambe slachtofferhulp a presenta .
Ken cu por tin informacion jama tiplijn di polis 11141″.