Bubali
Algo pasa di 3’or di marduga despues cu famia a wordo avisa cu un ser stima a sufri un accidente serio y ela fayece, autoridad a duna e identidad di e victima.
Di parti Vocero suplente Sra.Rasmijn nos a haya e siguiente comunicado:
” Dialuna madruga pa 00:34 central di polis ta wordo notifica door di AC cu un accidente a caba di tuma lugar riba e caminda di bubali. Ta dirigi e patruya di noord na e sitio di e sucedido y na nan jega ta topa cu un toyota yaris color shinishi numera A-6665 cu lo a dal den un mata di kwihi. Personal di ambulance ta jega na e sitio tambe y ta trata na yuda e victima chauffeur pero lamentablemente no por a hasi nada mas pe. Pa 1:15 dr Texier ta constata morto di Gilbert Eloy Wernet naci na Aruba dia 1 juli 1982 ( 36 aña) y biba na papilon. Departamento di trafico a presenta na e sitio pa hasi nan investigacion. Tambe polis technico y slachtofferhulp.
Nos di Cuerpo Policial Aruba ta manda palabra di condolencia na famia di e fayecido”.