Home Entertainment ARUBA A DRENTA E SIMAN DI  ‘ISLAND TAKEOVER FESTIVAL’ CU J BALVIN,...

ARUBA A DRENTA E SIMAN DI  ‘ISLAND TAKEOVER FESTIVAL’ CU J BALVIN, BAD BUNNY, ALEX SENSATION Y JEON



ORANJESTAD:  Nos a yega e siman tan anhela cu ta e siman di Island Takeover Festival. Trabounan intesivo ta tumando lugar na diferente localidadnan pa asina garantisa un exitoso festival cu tin como atraccion principal artistanan manera J Balvin di Colombia, Bad Bunny di Puerto Rico, Alex Sensation di Miami y New York y di Aruba Jeon hunto cu artistanan invita.

E evento principal cual ta e concierto diabierna anochi lo tuma lugar na Harbor Arena y por mira cu e trabounan di Set Up ta bayendo den un forma hopi avansa. Ja caba e escenario ta poni, luznan ta instala y un gran parti di e pantayanan LED tambe. E siman aki Elite Productions & Entertainment lo instala e sonido y detayenan final.

Pa Island TakeOver tur cos ta cuminsa Diahuebs dia 1 di November cu e Warm-Up Events na Craft y Gusto. Lo tin presentacion di Dj Kash, Music Monks, Big Rig, Renzo y invitadonan Special! Ta sigi Diabierna dia 2 di November cu e concierto cu J Balvin, Bad Bunny , Alex Sensation y Jeon. Den e show di JEON lo por spera hopi sorpresa local y internacional! Tambe lo tey MC Christick, 101, Yeimy y Nutzbeatz. Porta ta habri 6 or.

Diasabra lo tin e famoso Pool Party hosted by Partai y EF na Renaissance Marina Pool for di 12 or di merdia te cu 8 or di anochi. Despues lo sigi cu e EF Partai Beach Party na Surfside Beach cu e.o, Guy Gerber, Matthias Tanzman, Abril Love, Mista Tee y mas. Esaki lo cuminsa na bahada di solo y lo bay te anochi laat. Diadomingo e festival ta terminta cu e ‘Closing Beach Party’ na e beach di Surfside cu for di New York Dj Cre8 & Friends cu e.o DJ Sky, Kash, Big Rig, Renzo M, Chris Strick, Samil y mas. E beach party ta cuminsa 1 or di merdia.

Asina por mira cu ta falta solamente algun dia e promer edicion cual porcierto a marca un record pa loke ta e cantidad di carchi cu a wordo bendi den pre benta. Tambe for di exterior tin bastante pais representa cu lo ta biahando specificamente pa e festival aki.

Passes pa e festival ta na benta na Citgo Boulevard, Citgo Palm Beach, Citgo Essoville , Superfood y AITO Pop Up Store na Renaissance Marketplace cual lo ta bendiendo tokens pa e bar y cushinafor di diamars. Por escohe entre Seccion general (AITO General Pass,  VIP Standing (AITO VIP Pass) y mesa VIP. Pa tur informacion tocante mesa mester jama 569-6446. Esnan cu tin nan pass cumpra of e-pass, nan por cuminsa acudi for di diamars na e Pop Up Store of Na Renaissance Marina Hotel pa cambia esaki pa un banchi.

Aruba Island Takeover (AITO) ta presenta pa Aruba Tourism Authority (ATA), Cerbez Presidente, MOET, SETAR N.V., Elite Empire Entertainment, EF, Aruba Marriot Resort, Top Drive, Hilton Aruba Caribbean, Hyatt Regency Aruba Resort, Fun Miles, Renaissance Aruba Resort, Hertz. Holiday Inn Resort  y Super Car Rental. Pa mas informacion, line-up di artista, compra di passes y mas bishita www.islandtakeover.com of www.facebook.com/islandtakeover.