Topeka, Kansas City: Un homber na Kansas City ta recobra su libertad for di Shawnee County Jail y riba e tereno di dicho prison, e ta dicidi di horta un auto, esaki a sosode riba e parkinglot di bishitante di e prison.
E polisnan di Topeka a ricibi un melding cu despues cu un persona a bishita e Shawnee County Jail, e no por a haya su auto, cu ela laga staciona riba e parkinglot .
Mesora a bay mira e grabacion di e camaranan di seguridad y a comproba cu un persona a horta e auto. E persona cu a horta e auto aki ta Kevin E. Jones di 33 aña, kende un rato prome a recupera su libertad for di e prison y prome cu ela bandona e tereno di e prison, ela dicidi di pasa man pa e auto di e bishitante.
Un poco rato despues polis a haya un melding di un intento di ladronicia den algun caya no hopi leu for di e prison. E doño di un auto hunto cu algun persona mas a logra atrapa e criminal di sorpresa, hortando den nan auto, nan a wante te ora polis a yega na e sitio.
Na yegada polis a bin topa cu e conocido Kevin Jones, kende un rato prome a recupera su libertad for di Shawnee County Jail. Mesora ela keda deteni y a bolbe bay cera como sospechoso di ladronicia di auto y tambe di un intento di kiebro den un otro auto.