Catiri – Diadomingo atardi pa mas o menos 4:10 p.m, polis a wordo pidi cu urgencia na un cas situa schuin di Reality Supermarket na Catiri.
Na e adres un homber lo a wordo hinca y gedal cu bate di baseball ariba su cabes.
Mesora varios patruya a cuminsa bay unda e incidente a tuma luga.
Na yegada agentenan ta topa cu un homber sinta ariba un stoel, y tawata basta na sanger.
Mesora nan a puntre pa su heridanan, y ela confirma cu ela wordo gedal cu un bate di baseball ariba su cabes.
Pues e no wordo hinca.
Ela conta tambe ken a dal e, y a menciona un persona conoci pa su persona yama K.Harms .
Algun rato despues famia di e homber a yega, y nan tambe sa kende e persona ta.
Segun famia, no ta prome biaha cu Harms a maltrata nan tata.
Recherche di districto di Noord tambe a presenta, mirando cu ta trata di un maltrato serio y tawata tumando tur datos for di e famia.
Ambulance nan yegada a laga e cabayero cana subi ambulance y despues a sali cune direccion Hospital.
Pa loke ta e agresor, autoridadnan tin tur datos di dje, pues nan sa unda pa busca.
