Nuñe – Diasabra atardi polis a bay e crusada conoci den Nuñe, pa un accidente di trafico cu hende herida.
Na yegada di polis nan a topa cu un pick up y un UTV, un ocupante di e UTV tawata levemente herida.
E cabayero lo a cay y haya basta rasca na su lomba, y pa e motibo aki a pidi pa ambulance.
Mester bisa cu e ambulance a tarda masha hopi mes, pa motibo cu tawata bezig cu un otro caso aparentemente mas serio.
Falta di preferencia mayoria biaha ta e problema ariba e crusada aki, mirando cu pa esnan cu no ta familiar cu e area. E accidentenan ta pasa ora cu autonan ta yega subi e crusada sin stop, y si ta bo dia di mala suerte bo lo hayabo den un accidente cu por ta hopi serio.
Despues di hopi rato ambulance a yega na e sitio y a controla e homber eynan mes.