90
Noord: Diaranson durante dia Polisnan di districto di Noord a tene un control di trafico. E controlnan a sosode entre 7 or di mainta pa 3’or di atardi.
E agentenan a tene un control di trafico na diferente puntonan strategico, nan a tene un control na Tanki Leendert un poco pariba di e Misa di Tanki Leendert, na altura di Ex Lee Restaurant, nan a tene un control un poco panort di rotonde Tanki Flip y tambe na altura di Imeldahof na Boegoeroei.
En total nan a controla 196 auto, nan a reparti 74 boet pa diferente documentonan cu no lo ta na ordo y tambe a detene un persona cu no lo tabata tin su papelnan di estadia na ordo.