58
Oranjestad – Aruba
Diahuebs atardi 5:30 vocero suplente di polis Sra. Rasmijn a informa di dos agente, caminda uno a keda deteni y e otro suspendi. Segun nos a wordo informa aparentemente ta trata di dos agente femenino.
Aki ta sigui loke nos a haya di Sra Rasmijn:
“ Den cuadro den un investigacion interno. Cuerpo Policial Aruba kier a informa cu ayera diaranson 24 di oktober 2018 e agente policial di inicial P.A.K.G. a wordo prohibi pa drenta wardanan di polis.
Den cuadro den un investigacion interno. Cuerpo Policial Aruba kier a informa cu awe diahuebs 25 di oktober 2018 e agente policial di inicial S.L.M.U. a wordo deteni.
Cuerpo Policial ta para pa siguridad, servicio, integridad, vigilancia y disponibilidad. E pueblo mester por sinti su mes sigur y mester por conta cu e experticio, ayudo profesional y e profesionalismo di nos organisacion policial “.