Home » Un trayectorio largo di determinacion y vision duradero Eddie de Veer ta celebra 30 aña di aniversario cu MetaCorp N.V.

Un trayectorio largo di determinacion y vision duradero Eddie de Veer ta celebra 30 aña di aniversario cu MetaCorp N.V.

by Admin
0 comment 58 views

 

 

Eduard L.J. de Veer, cariñosamente conoci manera Eddie, ta celebrando 30 aña di aniversario
cu e compania MetaCorp N.V. Un pionero y visionario den e mundo di comercio local, cu semper a enfatisa cu e empleadonan ta e ‘asset’ di mas importante di tur compania. Eddie awor ta celebrando un trayectorio largo y productivo su tras cu un di e empresanan comercial di mas bieu na Aruba.

Rondona por medio di su famia  y coleganan di trabou, siman cu a pasa sr. Eddie de Veer a celebra un trayectorio bunita di 30 aña cu MetaCorp N.V. Mirando atras e ta bisa cu si e lo tabata tin e oportunidad pa cambia algo 30 aña pasa, e no lo cambia absolutamente nada.
“Oficialmente e ta 30 aña riba payroll, pero Eddie a cuminsa traha cu e compania aki for di mucha chikito. Ki chens cu tabata tin, sea ta weekend of vacantie di scol, Eddie tabata trahando”, sr. Eduardo de Veer ta bisa. Eddie a traha tur caminda: riba dak, den garage , riba truck, y loke ta resalta di Eddie ta su empeño pa traha sin ningun miedo di trabao y logra su metanan. “Pa mi como tata ta mas importante ainda cu su caracter cu su coleganan semper ta den bon actitud pa trabou, e ta un bon tata, un bon yiu, un bon hende. Anto eseynan ta resalta pa mi”, segun sr. Eduardo de Veer.


Eddie tin un trayectorio largo di trabou y experiencia su tras, cumisando cu un bachelor den ciencia Electronical Engineering 1991 gradua na Merrimack College na Merca. Na aña 1988, Eddie a cuminsa cu su prome reto como manager na De Veer Theatre N.V. Eddie a continua cu su desaroyo trahando na tur otro companianan socia di MetaCorp manera, Managing Director y otro posicionnan. Na 2009, Eddie tabata encarga cu e maneho di operations di MetaCorp Curacao. Y na 2015, Eddie a bira CEO y President di MetaCorp N.V. unda el a cuminsa dirigi EcoTech, ATCO Aruba, New York Laundry, ATCO Concrete, EcoGas, Tropical Bottling Company of Aruba N.V., Brouwerij Nacional Balashi N.V. y The Cinema.


MetaCorp ta cumpli 100 aña
Manera conoci, pronto MetaCorp lo ta cumpliendo 100 aña di existencia. Den cuadro cu esaki, nan ta colectando tur material cu por yuda na forma e historia largo di e compania; potretnan bieu for di aña 1920 cu e compania a nace te cu awe. Fuera di envolvimento den pelicula manera e teatro Gloria, Cinelandia, Principal, Rialto, Aurora, Esso Club, Eagle Club, Lago Heights Club, Savaneta y de Veer Theatre, hopi no ta na altura di MetaCorp su envolvimento den e industria di transporte y tambe produccion y distribucion di e refresco Coca Cola. Sin laga afo e eventonan, caminatanan y diferente proyectonan cu e compania a yega di organisa den nan historia, manera cabayito, circo y conciertonan.

 

E compania tin un fundeshi solido cu un cultura basa riba principionan di inversionnan duradero cu ta kere den inversion y desaroyo di su empleadonan. MetaCorp ta mas cu cla pa e siguiente 100 añanan di progreso cu talentonan manera Eddie de Veer, Robert Carrasquero y Guus Slabbekoorn na cabes.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio