178
Piedra Plat – Diamars anochi den careda di 9’or p.m, varios patruya a bay Piedra Plat altura di Mido Restaurant. Autoridad tawata tin mester di dos persona den un Toyota Tercel shinishi.
Patruyanan cu a yega basta lihe na Piedra Plat a logra para e Tercel ariba e rotonde di Bright Bakery. Den e vehiculo tawata tin 2 hoben.
Ambos a wordo deteni, nan a separanan y den patruya a transportanan pa warda di Santa Cruz.
E Tercel a wordo cori pa un agente y tambe a bay direccion warda.
Segun nos a compronde, e personanan aki of un persona cu lo ta core e auto of den e auto aki, ta wordo busca pa recherche relaciona cu un caso di arma di candela.
Despues di tuma nan datos na warda nan a ser laga liber.