ORANJESTAD – Departamento di Obra Publico ta informa pueblo di Aruba en general y specialmente nos automobilistanan cu ta haci uzo di caminda di J.E. Irausquin Blvd for di Brickell Bay Beach te cu Restaurant Hostaria da Vitorrio, cu dialuna dia 22 di October 2018 for di 7’or di mainta te cu 4’or di atardi lo bay cuminsa embeyece e area.
E trabounan ta bay ta den fase. Lo cuminsa cu e preparacion di cobamento y pone tubo pa e instalacion di iluminacion na e parkeerplaats pazuid di Hyatt Hotel y e trabounan akinan lo tin un duracion di 4 siman.
E siguiente fase lo ta e instalation di iluminacion den e area di peaton na Brickel Bay beach te cu restaurant Hostaria da Vittorio. E proyecto lo tin un duracion di 20 siman total.
En conexion cu e trabounan menciona, Departamento di Obra Publico ta haci un peticion na tur automobilista pa no haci uzo di e parkeerplaats pazuid di Hyatt Hotel, y alabes ta pidi pa tene cuenta cu e inconveniencianan cu lo por surgi pa cual nos ta pidi nos disculpa.
