Oranjestad: Awe durante dia por a mira cu familiaresnan di Franklin Jacopucci a post cu Franklin a fayece y nan a confirma cu e curpa haya Diabierna anochi den e mangelnan pazuid di pista di airport ta di Franklin Jacopucci.
Algun dia prome Arubanative.com a publica un articulo den cual famia a bati alarma paso nan tabata tin mas cu un luna sin mira Franky, manera cariñosamente e tabata wordo yama.
Un prima di Franklin, Vivian Krosendijk a post lo siguiente:
Den nomber di famia: Jacopucci- Pieternella mi kier anuncia oficialmente cu cadaver a ser indentifica awe mainta den presencia di recherche y famianan cu e cadaver ta di Franklin Jacopucci.
Condolencia na tur famia y e ruman nan .
Un danki especial na slachtoffer hulp y polis y regerge y tambe mortuarium Aurora pa e colaboracion y trabao nan hasi pa cu e situacion penoso aki pa nos famia nan.
Un danki pa e persona cu por a haña nos ruman y primo y sobrino y a bati alarma na polis nos no sa ken e persona ta pero danki di curazon.
Nos kier notifica famia nan cu pa motibo di e situacion descompuesto di e cadaver a tuma desicion di cremeer e cadaver di biaha.
Nos ta deliberando y llegando na acuerdo pa duna Franky na honor di mi wela Anastacia cu a cria Franky un despedida sagrado na misa di Tankileendert y pa pone su ash den kelder cu Machiana na Santana di Noord.
Nos primo tawata tin su rosario na su garganta Dios dune sosiego eterno.
Na tur e tanta nan y omo nan y primo y prima nan na hulanda y curacao y demas otro pais nan danki pa boso sosten y boso steun otro den e momento nan aki.
Laga nos corda e dolor di un jiu sin amor di su mayornan y su wela cu tanto a stime a muri bai lague, su unico consuelo y bida a trate duro y e la perde su autoestima y awe e la muri su so y e pregunta ta keda un morto natural door di epilepsia of asesina ????? Otopsia lo divulga esey pa nos.
Primo sosega na paz
Franky Jacopucci tabata hopi conoci den e bario di Catiri y Tanki Leendert, Franky tabata e homber cu barba cu tabata gusta para panort di e rotonde di Tanki Leendert.
E tabata un persona semper su so y keto, e no tabata molestia niun hende. E tabata un persona cu tabata sufri di epilepsia, hopi biaha ora e tabata haya ataca riba caya, semper hendenan cu tope benta riba vloer, tabata yama polis y ambulance pa trate.
Arubanative.com kier a extende su palabranan di mas profundo condolencia na famia y conocirnan di Franky Jacopucci y cu Franky sosega na paz.