ORANJESTAD- Comunidad di Muscles and Lungs Crossfit Aruba ta duna nan support na e causa y caminata “Keep Aruba Polio Free” di Rotary Club of Aruba. Despues di a keda aserca pa Rotary Club of Aruba pa participa na e grandioso walk/run Diadomingo 21 di Oktober binidero, e comunidad di Muscles and Lungs Crossfit Aruba no a duda di uni den e causa pa mustra nan support contra e virus di Polio y pa mantene Aruba polio free.
Pa es motibo, Muscles and Lungs community kier a facilita no solamente su participacion y di e comunidad di Muscles and Lungs Crossfit pero tambe tur esnan cu ta desea di inscribi pa e caminata, por pasa na Muscles and Lungs Crossfit situa na L.G. Smith Blvd 120 y inscribi y paga entre 6or pa 8or di anochi.
Esnan cu ta desea pa cana durante e caminata tambe por haci esaki ya cu no solamente personanan atletico lo forma parti di e evento. E ta un manera di keda activo y pa demonstra cu bo persona ta aporta na un bon causa.
E caminata lo ta di 5 kilometer ta cuminsa y caba na Plaza Nikki Habibe situa na final di caya. Dia di e evento lo por ta na Plaza Nikki Habibe pa check in 4:00pm y e caminata mes lo cuminsa pa 4:30pm. Inscription ta solamente 25 florin y ta inclui un t-shirt pa cada participante y un “finishing medal”. Ademas na final di e walk/run lo ta bai tin rifa di diferente premio atractivo pa e participantenan.ace
Muscles and Lungs kier a invita full e ML community y pueblo henter pa bin inscribi Dialuna dia 15 di Oktober y asina yuda aporta na un bon causa