114
Camacuri: Diabierna algo pasa di 8’or di anochi, informacion ta drenta cu lo tin un curpa sin bida pega den e matanan di mangel pazuid di e pista di airport.
Mesora ta pidi pa presencia di autoridadnan competente, pero mirando cu e curpa ta pega memey di e matanan di mangel, ta dificil por yega saca esaki. Aparentemente e coriente di lama lo a pegue den e mangelnan.
Actualmente presencia di brandweer a wordo pidi, pa pone suficiente iluminacion y pa yuda polis saca e curpa cu ta pega den e mangelnan. Autoridad ta na e sitio caminda e curpa a wordo descubri.
Identidad di e curpa sin bida ainda no ta oficialmente conoci.
Manera cu identifica e curpa y nos ricibi e nomber oficialmente nos lo publica esaki.