Home Local Awacero diabierna anochi a pone cu mester a cera Watty Vos Boulevard...

Awacero diabierna anochi a pone cu mester a cera Watty Vos Boulevard den ambos direccion

Watty Vos Boulevard – Diabierna anochi laat D.O.W a haye obliga ta cera ambos banda di Watty Vos Boulevard cu ainda ta bou construccion.

Awacero cu a cuminsa for di oranan trempan di anochi, a causa cu cierto areanan di Watty Vos Boulevard a bira inaccesibel pa trafico.
E boulevard a wordo cera na e rotonde di Wayaca te na e rotonde di ex Codemsa.

Lo cera Watty Vos Boulevard cada bes cu awa yobe?

Nos ta puntra nos mes cu si cada bes awa yobe hopi y pa un periodo un poco largo Watty Vos Boulevard lo tin cu wordo cera ? Esaki sigur cu den futuro lo bira un problema paso esaki lo bira stagnacion di un ader mayor di camindanan na Aruba.

Te na e momentonan aki por nota cu esnan cu a traha e caminda no a tene cuenta cu e awaceronan cu Aruba sa haya.

Meerwerk?
Ta mustra cu esnan responsabel pa e caminda aki  lo mester bin cu un plan nobo, paso asina aki no por sigui.
E pregunta grandi ta pa e ingenieronan, con nan lo bay soluciona esaki y con liher. Paso e ta un desaster cada biaha cu awa yobe.