Home Local Varadero Aruba ta bira dealer oficial di Cummins

Varadero Aruba ta bira dealer oficial di Cummins

 

 

Rondona pa un grupo grandi di invitado , Varadero oficialmente a lansa e prestigioso marca di motor di boto y generator “Cummins”.  Varadero pa hopi tempo a negosha pa logra haya e marca aki cu ta consisti di motor y otro productonan pa motor di boto y generator pa edificionan grandi sea residencial of comercial.

Riba e anochi aki CEO di Varadero Aruba Sr Alex E Mansur III a duna un splicacion amplio y detalla riba e servicio y productonan nobo. E productonan nobo ta entre otro Fleetguard Filters, Fleetguard Coolants y Azetanan Valvoline. Invitadonan a haya un bista di serca di e motornan aki cu a wordo exponi riba e anochi aki.

Mester menciona cu Varadero Aruba ta conta cu mecaniconan certifica di Cummins , kendenan a pasa den cursonan intensivo na merca pa logra nan certificacion. Esaki ta duna varadero un bentaha grandi ya cu por brinda un servicio completo na e cliente.

Pa esnan interesa pa haya informacion di Cummins Sales and Service por pasa libremente na Varadero ubica na bucutiweg 34 , of por tuma contacto cu nos na +297-588-3850 of email na parts@varaderoaruba.com of cummins@varaderoaruba.com .