Home Local Scol Caiquetio a disfruta di e cachonan di servicio di KIA/CEA

Scol Caiquetio a disfruta di e cachonan di servicio di KIA/CEA

 

 

ORANJESTAD – Den cuadro e proyecto ‘Cuida nos Cachonan’, e Team Extraordinario di KIA/CEA a haci un bishita na Scol Caiquetio.

Un grupo di 4 miembro di e Team Extraordinario di Resfuerso-Brigada di Cacho(BOT-K9), a haci un demostracion p’e muchanan. Despues di splicanan di e trabou importante cu e cachonan di servicio ta haci pa KIA/CEA, a duna nan un demostracion di con e cachonan ta traha. Nan a wak con Noa y Saar, cachonan di listra; Pipo y Boedha, cachonan di ataka, ta traha.

E Cocker Spaniels cu ta getrain pa listra, Noa y Saar, tawata masha popular cerca e muchanan. Specialmente, pasobra nan por a caricianan.

KIA/CEA tin na su disposicion 12 cacho di servicio cu ta resorta bou di e Team Extraordianario di Resfuerso-Brigada di Cacho(BOT-K9), cu ta disponibel pa trabounan di vigilancia y listramento.