ORANJESTAD – Na Drempel di fin di aña ta kick off awe 12 di October na linear park pa 6or di atardi enadelante. E biaha aki pa su di 30 edicion. E celebracion “perla” cu ta enfoca riba paz y harmonia.
E anochi lo ta bon anima cu entrenimiento di bandanan local como entre otro Grupo di Betico, N’fuzion, Rincon boys, Robert y su solo banda show, Aguinaldo Flor di Pasco, Las Unicas fabulosas y Muchanan di Mama Rosa. E evento aki ta pa famia henter. Superfood lo tin kerstollen pa e prome 100 hendenan cu yega, como tambe un tent yena cu delicianan di Pasco manera e Ayaca, E ham di pasco y mas. Lo tin un rifa cu premionan atractivo manera riba 1500 florin cash y biahenan pa Miami y Bonaire. E biaha aki MAGIC FM a uni cu Paranda di Balashi pa asina amplia e celebracion y haci esaki mas grandi cu nunca.
E programa na radio cu ta stima pa grandi y chikito lo ta den aire pa seis or di atardi cu e acostumbrado Mensahe Special pa habri e temporada mas bunita di aña cu lo wordo presenta pa Erin Croes atraves di MAGIC 96.5 FM. E aña aki e celebracion ta mas grandi cu nunca mirando cu Na Drempel di fin di aña ta haci 30 aña den aire. MAGIC FM, conhuntamente cu partnernan di Balashi brouwerij a prepara un programa yena cu sorpresa pa pueblo henter. Un evento cu a crece hunto cu pueblo un biaha mas ta prepara pueblo pa e temporada mas gusta. Ta invita un y tur bin celebra conhuntamente cu e inicio tambe di E paranda di Balashi cu a bira un parti importante di nos tradicion local.