Hospital cu servicio normalisa atrobe na edificio MOB

Awe mainta un tubo di awa a kibra den e edificio MOB. A tuma medida di precaucion door di kita coriente. Pa e motibo aki tabata necesario pa cancela pashent cu tin afspraak na Functiekamer y Wondpoli. A logra muda Pre-screening temporalmente pa departamento di Revalidatie. Nos ta pidi disculpa pa e inconveniencia aki.

Mientras tanto a haci un limpieza grandi y a cende e coriente bek. Esaki ta nifica cu HAP por funciona normal awe. Mayan, e departamentonan di Pre-Screening, Wondpoli y Functiekamer por reanuda nan trabounan y duna servicio di cuido na nos pashentnan atrobe.

Un danki grandi ta bay na tur cu a traha duro pa asina por sigui duna cuido na nos pashentnan mas lihe cu ta posibel.