Diasabra nos a wordo yama dor di varios empleadonan di Serlimar cu a haya un carta di APFA, na unda nan ta wordo notifica cu Serlimar tin mas di 90 dia sin deposita e prima cu mester a ser deposita den e fondo di pensioen pa e empleadonan di Serlimar.
Y manera tabata di spera, ya caba a cuminza e cantaleta di tira culpa riba otro sin cu a percura pa un solucion duradero pa e problema aki, cu aparentemente ta data for di aña 2014 caba, esta tempo di AVPOR.
Hecho ta cu placa cu a wordo kita di e empleadonan NO a wordo deposita. Y esaki de facto ta wordo considera como ladronicia, na unda esnan responsabel mester ser sanciona pe. Si e ladronicia aki a ser cometi for di 2014 caba, mester sanciona e minister di e tempo ey y pone responsabel. Y si te ainda e ladronicia aki ta ser cometi, e ora ey e minister actual mester ser poni responsabel y sancione .
Pero bai sconde tras di e gobierno anterior of di e gerencia of di e Raad van Toezicht actual NO ta un opcion. Nos ta convenci cu ni e gerencia ni e Raad van Toezicht a actua riba nan mes.Ta pesey tanto gerencia como Raad van Toezicht mester bin padilanti pa mustra ta con e instruccionnan a sosode y ta ken a duna e instruccionnnan aki.
Mester splica con bin ta permiti pa e minister nombra hendenan den servicio? Con ta laga minister forza nan cu un huur di un edificio (di su sponsor mas grandi) na Pos Chikito cu no ta necesario. Con bin nan ta yuda e minister den e bid-fixing di e trucknan, cu tampoco ta necesario? Y cu ta firma contractonan miyonario di equiponan di sponsornan sin ningun tipo di destaho publico?
Pa nan SI tin placa pa yena nan saco? Y aki nos ta papia di miyones di florin pa aña.
Esaki sin conta e plan macabre cu e Scorpion kier pusha den strot di e pueblo Arubano. Un inversion di casi 400 miyon florin. Parti di e plan aki ta “IMPORTACION” di desperticio for di exterior. !!!! Sin tin placa pa nombra mas di 20 trahadornan nobo den servicio? Placa tin tambe pa paga 2 director cu schaal 15 mas 25% di toelage y pa colmo uno ta cobra su salario sin traha???
Ta di lamenta cu ya caba e STEMPELPARLEMENT a bai di acuerdo cu e plan aki y manera por a ripara ta parce cu e sindicatonan a bai di acuerdo cu esaki tambe. Y pio ainda e gremio comercial tambe. Ta tristo pa constata cu den henter e periodo di e gobernacion aki, ta parce cu ni oposicion ta “give a damn” tampoco!!! Ta parce cu e contamento di “SPROOKJES” ala Mike Eman(AVPOR)ta sigui den e gobierno aki (POREDmep).
UPP a bin ta adverti pa e plannan macabre di Otmar. Pero ta parce cu no tin stul pa esnan cu ta papia e berdad. For di maart di aña aki, nos a cuminza cu e señalamento di e plannan aki y ta parce cu ni e Conseho di MInister ni e Parlamento tin oido pa esakinan.
Na 2011 tempo di e proyecto di HOH, mi persona a adverti masha hopi mes, pero lamentablemente ningun hende, ni sindicatonan kier a tende. Awe tur hende incluso e sindicatonan ta grita, y no ta comprende dicon a traha un hospital asina. Pero awor ta un poco laat, ya cu pueblo a haya simpelmente un PORkeria cu nos pueblo lo mester bai paga casi un BIYON florin.
Atrobe esaki ta e mesun storia. UPP ta teima for di principio riba e “SPROOKJE” di WTE cu un incinirator cu lo bay costa e pueblo MIYONES atrobe, y cu lo NO bai duna e resultado cu ta wordo bendi na pueblo!! E pueblo un biaha mas ta wordo engaña.
Rond mundo casi mensualmente tipo di instalacionnan asina ta sera nan porta y pa colmo aki na Aruba tambe tin un WTE cu NO TA FUNCCIONA. Ta danki na e Scorpion awe ainda un parti di e instalacion aki ta den funcion. Na WEB tin un planta ta para ta putri y tuberianan cu no ta wordo usa, cu a costa pueblo casi 20 miyin florin. Ya caba ningun hende ta papia riba esaki pero nos pueblo si mester paga por medio di e asina yama “Crisisheffing”! Aki un biaha mas ningun hende ta wordo poni responsabel. Ta parce cu e “crisisheffing” aki ta pa sigui cu e gozadera cu tabata tin tempo di AVPOR!
Kico e minister y su spindoctors ta bin bisa awor atrobe? Aparte di esakinan lo bai yama un reunion publico di Parlamento pa e mesun minister traha e script, cu ayudo di e sindicatonan, pa set up un show den Parlamento pa un biaha desvia atencion di e pueblo, pa asina ey e Scorpion por sigui cu su plan macabre di WTE por medio di un otro “FIX-BIDDING”?? A core yama reunion cu trahadornan pa bay mustra cu APFA no ta actuando corecto?
Hendenan cu tuma nan tempo y lesa e documentonan (yena cu manipulacion y desinformacion) traha pa e “handpicked experts”, sa cu loke e “blue-ringed octupus” Otmar ta haciendo ta simpelmente ta “narrow-down” e rekisitonan pa e RFP pa asina ey e bai duna un otro sponsor e proyecto fantasma aki, mesun modus operandi cu ela haci cu e leasemento di e trucknan.
E hecho cu ta prefera di paga sponsornan enbez di deposita e prima pa e empleadonan di Serlimar, mester ta un señal cu Otmar y su gobierno POREDmep ta bezig pa desangra Serlimar pa despues deshaci di esaki y pone esaki den man di su compinchinan.
Supuestamente a warda te na september di e aña aki pa reuni cu APFA riba un situacion cu ta andando for di 2014. A warda te september pa fix pago pa e sponsornan prome???
Corda riba e dicho na hulandes; “EEN GEWAARSCHUWD MAN TELT VOOR TWEE”!!!
Booshi Wever
Lider UPP
Brazil 163
Aruba, 8 oktober 2018
