E evento di Futbol Aruba Ballon D’Or 2018 a bira realidad den su di dos edicion. Riba e anochi aki Aruba a haya di conoce ta ken nan ta e hungadonan di futbol cu a brilla cu nan talento y esfuerzo den e anja calendario di campeonato 2017-2018.
Diferente premionan a wordo otorga door di e organisacion Futbol Aruba, p’asina duna merito y tambe motivacion pa cu e trabao cu a wordo realisa pa e futbolistanan Arubiano.
A otorga premio pa e mihor goleadornan cuminsando cu U5 te cu Division Mayor, icluyendo tambe Division Damas.
Esaki ta e lista di ganadornan di e Sapato di Oro den e diferente categorianan;
Categoria U5 : Ricky Henriquez di SV Deportivo Nacional
Categoria U7 : Jayron Gomez di SV Estudiantes
Categoria U9 : Isaac Compaore di SV Deportivo Nacional
Categoria U11: Steven Jie-A-Swie di SV Estudiantes
Categoria U13: Jean Baptiste Woodeney di SV Dakota
Categoria Division Menor: Wesley Illes di SV Britannia
Categoria Division Major: Javier Jimenez di SV Deportivo Nacional
Categoria Junioren: Andrew Valois-Smith di SV Deportivo Nacional
Categoria Division Uno: Owen Van Der Wijne di SV Brazil Jrs.
Categoria Division Damas: Mylene Croes di SV Britannia
Categoria Division Honor: Devis Oliveros di SV Deportivo Nacional
Siguientemente tabatin reconocimento na e refereenan pa nan sosten nan e futbol di nos isla, tambe a duna reconocimento den forma di un ‘Career Achievement Award’ na Theric Ruiz di SC Bubali, cu a retira di nos futbol despues di e campeonato cu a caba.
E premio pa e mihor entrenador di Division Honor a wordo otorga na e persona di David Abdul di SV Dakota, cu a logra un campeonato pa e club Dakotero despues di 23 anja di espera!
E mihor portero di Division Honor di Aruba a haya e trofeo “Golden Glove”, e anja aki e ganador a resulta di ta Lionel Kaarsbaan di SV Dakota cu a wordo nomina conhuntamente cu e otro dos finalistanan Rudolf Benita di SC Bubali y Jesus Fria di SV Estrella.
Siguientemente e moderador di e anochi especial aki, Carmichael Bikker a anuncia e oncena di anja, esta e “Dream Team”. E siguiente hungadornan a wordo elegi pa forma parti di e oncena especial aki;
Portero: Lionel Kaarsbaan di SV Dakota
Left-back: Jean Pierre Heyden di SV Deportivo Nacional
Center-back: Chito Van Der Biezen di SV Deportivo Nacional
Center-back: Paul Nickenson di SV Dakota
Right-back: Defferey Banton di SV Deportivo Nacional
Left-midfield: Liomar Croes di SV Dakota
Center-midfield: Alex Hassel di SV Estrella
Right-midfield: Luis Estrada di SV Britannia
Left-forward: Ricky Hodge di SV Dakota
Center-forward: Devis Oliveros di SV Deportivo Nacional
Right-forward: Kenroy Ranger di Sv Deportivo Nacional
Director Tecnico: David Abdul di SV Dakota
A duna tambe e honor di otorga e Ballon D’Or 2018 na sr. Edwin Dirksz, un leyenda di e futbol di Aruba den pasado, Sr.Francisco Vrolijk a asisti Futbol Aruba den e biografia di Sr. Dirksz. Den pasado Sr. Dirksz tabata parti grandi di nos futbol, e anochi aki e tabata un persona clave y parti di e culminacion y drama di e evenemento aki. Sr. Carmichael Bikker a anuncia e tres finalistanan pa e premio mayor, e Futbol Aruba Ballon D’OR, pa e mihor hungado di e futbol di Aruba di e campeonato 2017-2018.
Ricky Hodge, di SV Dakota; delantero clave pa e Abejanan, Ricky su talento, esfuerzo incansabel y su “fighting spirit” inigualabel, tabata clave pa a yuda su equipo gana un campeonato despues di hopi tempo.
Kenroy Ranger, di SV Deportivo Nacional; delantero importante pa e ekipo di Nort, cu un olfato di gol sensacional y un condicion fisico impactante, a logra yuda su ekipo Dragon bai te final den a campeonato pasa.
Paul Nickenson, di SV Dakota; un defensa central cu por hunga mei mei den defensa, por hunga den rol di ‘libero’, e por hasta subi busca gol y asisti den medio-campo, un talento especial sin duda, clave pa e campeonato Dakotero e campeonato pasa.
Na final, Carmichael Bikker a anuncia e ganado di e “Ballon D’Or” pa 2018, e ganado a resulta di ta Paul Nickenson, di SV Dakota. Un momento di berdad importante y dramatico, un momento yena cu emocion, unda alegria y lagrima a reina, paso nos futbol a gana, nos hungadonan a haya nan mereci. Pabien Paul Nickenson, Pabien Futbol, pabien Aruba!