64
Siman pasa despues cu e directiva di Brazil Taekwondo Stichting a controla e relato di biahe di Costa Rica, Alberto Klabér a entrega esaki na Director di Lotto pa Deporte Sr. Di-Estefano Wernet, pasobra Lotto pa Deporte tambe a contribui pa e team di “Train Hard Fight Smart” logra bay Costa Rica. Sr. Di-Estefano Wernet a ricibi e relato y a comenta ariba e relato, specialmente di e contenido di e relato. Tur biaha cu Brazil Taekwondo Stichting haña contribuicion for di Lotto pa Deporte, Brazil Taekwondo Stichting ta entrega relato di biahe cu tur detaye.
Brazil Taekwondo Stichting ta traha duro pa asina e atletanan por representa Aruba debidamente. Tur fondo cu Brazil Taekwondo Stichting recauda ta bay pa e team di “Train Hard Fight Smart“. Actualmente Brazil Taekwondo Stichting tin nan Kalender di aña 2019 na benta pa recauda fondo pa e plan di aña 2019, specialmente Korea.
Si bo no tin e Kalender di aña 2019 di Brazil Taekwondo Stichting ainda, bo por yama sra. Danica Delamore na 592-6496 pa e Kalender di aña 2019 aki y asina bo ta yuda e team di Train Hard Fight Smart.