ORANJESTAD, Aruba – 3 di october 2018: Aruba Bank a organisa un anochi di karaoke pa su ex empleadonan cu awendia ta gosando di nan pensioen bon mereci. E pensionadonan a dedica hopi aña di nan bida na traha pa e banco, cu awe nan esfuerso a comberti e banco den un institucion progresivo y di ta e banco di mas grandi di Aruba.
Como un toke di aprecio Aruba Bank a introduci un iniciativa nobo pa organisa un “Seniors Night” tur aña . No solamente como aprecio pa e grupo di ex empleadonan aki sino tambe pa mustra e pensionadonan cu semper nan lo ta sigui forma parti di e famia grandi di Aruba Bank.
E aña aki a organisa e evento di karaoke, unda tur presente a pasa un anochi ameno cantando, recordando nan añanan trahando na banco. Tur a gradici Aruba Bank p’e anochi cu nan a pasa cantando un variacion di cantica di “nan tempo”.