ORANJESTAD, Aruba- 2 di october 2018: Presencia di Aruba Bank na Expo Cas tawata sumamente exitoso durante di e weekend cu a pasa. Un cantidad grandi di hende a bishita e booth di e institucion financiero pa sa mas di tur e opcionnan relaciona cu construccion, refinanciamento of compra di cas. Aruba Bank ta bon conoci pa su interes special riba hipoteca, combina cu un bon seguro y sin lubida e guia y sosten cu ta ofrece clientenan den henter e proceso di construccion of renobacion di bo propiedad. Sin duda e oferta di “Buy now pay later” ora di cumpra cas a haya masha acogida bou di e participantenan na e exposicion. Aruba Bank tabata presente cu un ekipo grandi di expertonan riba tereno di financiamento cu mesora a logra saca cuenta pa tur esunnan interesa.