ORANJESTAD – NA DREMPEL DI FIN DI AñA ta bek atrobe pa su di 30 edicion.
E biaha aki MAGIC FM a uni cu Paranda di Balashi pa asina amplia e celebracion.
Na Drempel di fin di aña ta kick off diabierna 12 di october na linear park pa 6or di atardi.
E evento aki ta pa famia henter. Superfood lo tin kerstollen pa e prome 100 hendenan cu yega, como tambe un tent yena cu delicianan di Pasco. Lo tin un rifa cu premionan atractivo como 2000 mil florin cash y biahenan pa Miami y Bonaire. E dia lo conta cu diferente entrenimiento di bandanan local como entre otro Grupo di Betico, N’fuzion, Robert y su solo banda show, Las Unicas Fabulosos y Muchanan di Mama Rosa. E aña aki e celebracion ta mas grandi cu nunca mirando cu Na Drempel ta haci 30 aña den aire. MAGIC FM, conhuntamente cu partnernan a prepara un programa yena cu yen sorpresa pa pueblo henter. Un evento cu a crece hunto cu pueblo un biaha mas ta prepara pueblo pa e temporada mas gusta. Ta invita un y tur bin celebra.