Tienda Shap na Shiribana ta wordo atraca. Posibel grupo local cometiendo e atraconan aki

Shiribana – Diahuebs 1:30 marduga Shap e tienda chines situa banda di Subway (Paradera), ta bira victima di un atraco arma.

Tres atracador cu a papia bon papiamento a drenta e luga y ta comete e atraco. Un lo tawata tin e arma di candela.

Polisnan mes ora a yega na e sitio, y ta cuminsa busca informacion.
E dama chines no a sali pafo door di miedo pa por a mira den ki auto nan a move.

Agentenan no ta descarta cu lo por ta e mesun personanan cu a comete e atraco na Ritz Savaneta dialuna anochi y siman pasa tawata Well Done Snack truck na Rotonde Las Americas.

Atraco team a wordo poni na altura.